Budgeting teknik ba hanap mo? Aray ko po ang hirap kayang magbudget.

Pero gusto mo? Kung ganun edi gawa ka na ng sarili mong budget teknik na akma sa kinikita, ginagastos at personalidad mo!

Kung dumadating ka sa punto na nagugulat ka na lang dahil wala ka na palang pera, dong panahon na talaga para matuto kang magbudget.

Maraming budgeting teknik na pwede mong gamitin pero kung sa umpisa pa lang pakiramdam mo sa mga unang buwan ka lang makakasunod, edi wag mo na lang gawin. Imbes, gawa ka na lang ng sarili mong guide dahil ikaw mismo ang nakakaalam sa mga gastusin at pangangailangan mo.

Oh di ba me point?

Ibig sabihin ba nun no more malalamig na kape at malalaking burger?? Tsk. Wag mag-alala dahil isasama parin natin yan sa budget mo. Walang tiis tiyan dito.

Isipin mo, ang mga taong ito ay may kanya kanyang priority na paniguradong may higit na nakakalamang sa pinaggagastusan:

Working student

Single mom

Businessman

Traveller

May pinag-aaral na college

May pinag-aaral na kinder

Newlywed

Mayabang

May malaking utang

Di ba? Kaya walang perpektong budget tips na para kanino man kung hindi naman masusunod. Ang solusyon…..gawa ng sariling budget.

Kailangang gamit:

Notebook, at lapis/note taking app (Evernote/Colornote/OneNote

Lalagyan (wallets/envelopes)

Calculator

Bago ang lahat dapat isabulsa mo muna to.

Pre-budgeting Tips

1. Dapat positibo sa pagbubudget.

Sinong maniniwala sayo kung ikaw mismo iniisip mong di ka matututong magbudget.

Lakas makapositive nu.

2. Pag-ipunan ng maaga ang mga darating na bayarin. In english, be ahead of time dong hindi save in the morning.

Alam na mag-aaral ng college ang panganay pero saka na mag-iipon ng pang tuition? Wag ganun. Mas magandang i-budget ang mga darating na bayarin ng di magipit sa oras at pera.

3. I-treat ang sarili pag nasunod ang pagbubudget.

Yun yun oh! Hirap kayang magbudget kaya dapat me reward ka din. Basta ba nakasulat sa budget list mo ang reward at di kukunin sa savings

4. No guts no gain. Magtrabaho ka muna ng me mabudget.

Haha. Anong ibubudget kung walang darating na sahod? Naman eh!

5. Gawing habit ang pagbubudget.

Ang gastusin, bayarin at pag-iipon ay dirediretso kaya dapat pati ang pagbubudget. Wag maniwala sa “walang forever!” Para sa mga losers lang yun!

6. Ibat ibang lalagyan.

Importanteng magkaroon ng kanya kanyang lalagyan ang bawat ililista mo ng hindi magkahalohalo ang pera at organized.

Halimbawa:

Magkaroon ka ng ibat ibang wallet, garapon o bank account na nakalaan lamang sa mga ililista mo.

7. Give a break.

Wag mainggit sa mga Facebook friends mong puro nalang naka out of town. Ikaw mismo ay pwedeng magplano at mag-ipon para sa activity o tour na maari mong/nyong puntahan ng ma-excite magbudget. (Teka, hindi mo ibubudget lahat ng sahod mo para sa excitement mo na yan ah!)

Excited ka na bang magbudget? O ako na-eexcite? Haha.

Divisoria Budget Tips

Larga na!

Step 1

I-categorize at ilista ang mga ginagastos.

Halimbawa:

church (tithes, seed, offering)

bills (electric, water, internet)

investments (stocks, business, life insurance)

savings (emergency fund, savings)

shopping (clothes, shoes)

vacation (trip to baguio, trip to Las Vegas)

groceries (bigas, asukal, partible)

Treat for self (ice cream)

educational investments (tuition fee ni panganay, projects)

retirement (coldcash)

entertainment (sine, games)

Budget of the day (pamasahe, lunch, pang-kendi)

Dahil nga personalized ang pagbubudget, ikaw ang mas nakakaalam ng mga gastusin mo. Yung mga importante muna ang ilista dong. Wag muna isama ang mga eat all you can mong lunch.

Tithes

Electric bill

Water bill

Grocery

Pamasahe

Budget everyday

Savings

Pangarap na ps4

Trip to Hongkong

Step 2

Presyuhan ang mga gastusin

Tithes-2000

Electric bill-1200

Water bill-500

Grocery-2000

Budget everyday-100*26 2600

Savings-2000

Pangarap na ps4-2000

Baon ng mga anak-2600

Tuition fee-10000

Invest-2000

Baguio tour-5000

Budgeting reward-200

Step 3

Sobrahan ng kaunti ang mga kailangang bayaran tulad ng mga bills.

Kunwari ang bill nyo buwan-buwan ay 1200, i budget ito ng 1300 ng sa gayon kapag biglang tumaas ang bill ay hindi ka mawiwindang dahil masisira ang pagbubudget mo.

Dahil may susobra buwan-buwan, asahan mong mayroon ka pa ring pera na nakatabi pambayad kung sakaling bigla kang mawalan ng source of income.

Step 4

Mag-experiment sa tamang presyo para sa bawat category.

Step 5

Lagyan ng powerful words o quote.

Halimbawa:

Discipline. Discipline.

Budget now = SAVINGS/Sosyal = UTANG

Sa pagbubudget may poreber.

Take note

Pagkakuha ng sahod, hati-hatiin na sa mga kapupuntahan. Wag ng antayin pang mabawasan saka ka magbudget dahil baka maubos mo na ang ipangbubudget mo.

In short

Ang mga bagay na gustong makamit pinaghihirapan dong. Hindi porket pa-hard to get sya ay susuko ka na. Syempre mag-iisip ka ng sarili mong paraan para mapadali ang mga bagay-bagay diba. Naks. Two birds in one stone yan!

In shortest short

Iwas utang ka na, nadisiplina ka pa!